Մեսրոպեանի Մէջ Նշուեցաւ Ֆրանսախօսութեան Շաբաթը Խմբագրել Էջը
Չրք, 05 Ապր 2017

Մարտ 21-ին աշխարհի մէջ կը նշուի Ֆրանսախօսութեան միջազգային օրը՝ անգամ մը եւս համախմբելով ֆրանսերէն խօսող եւ ֆրանքոֆոն արժէքներ դաւանող միլիոնաւոր մարդիկ աշխարհի հինգ ցամաքամասերուն մէջ։ Յաճախ այս տօնը կը տեւէ աւելի քան մէկ օր, ինչպէս այդ տեղի ունեցաւ Հայ կաթողիկէ Մեսրոպեան բարձրագոյն վարժարանին մէջ։

Ըլլալով ուսումնական հաստատութիւն, ուր ֆրանսերէնը կը դասաւանդուի իբրեւ առաջնային օտար լեզու, Մեսրոպեան վարժարանը միացաւ այս տօնին 2017-ի  Մարտ 27-էն 31-ը, ամբողջ մէկ շաբթուայ ընթացքին։ Միջոցառումներու ծրագիրը հարուստ էր եւ բազմազան․ կարգ մը դասարաններու մէջ շեշտը դրուեցաւ ֆրանսերէնի գրաւոր հմտութիւնը զարգացնելուն վրայ (աքրոսդիքոսներու կազմում, շրջագրում), իսկ այլ տեղ՝ բանաւոր ֆրանսերէնին (« Նկարագրել մոլորակ մը, ուր աշակերտները կը փափաքին ապրիլ », « Իւրաքանչիւրին՝ իր դերը » եւ այլըն). մէկտեղուեցան ժամանցն ու ուսուցումը խաղերու միջոցով, ընդլայնելով աշակերտներուն հնարաւորութիւնները՝ ի խնդիր ծրագրի լիակատար գործադրութեան։ Միեւնոյն ժամանակ, այս բազմազանութիւնը հնարաւորութիւն տուաւ Վարժարանի տարբեր տարիքի շնորհաշատ աշակերտներուն ֆրանքոֆոն ծրագրի միջոցով ներկայացնել տարուայ ընթացքին իրենց կողմէ իրականացուող արուետի և գրական նախագիծերը։




Փակ է Մեկնաբանութիւններու Համար
Անուն
Վերնագիր
Մեկնաբանութիւն