ՄԵՍՐՈՊԵԱՆԻ 116 ԱՇԱԿԵՐՏՆԵՐ ՅԱՋՈՂԵՑԱՆ ԱՅՍ ՏԱՐՈՒԱՆ DELF ՔՆՆՈՒԹՒՆՆԵՐՈՒՆ Խմբագրել Էջը
Երկ, 08 Մյս 2017

Ինչպէս ծանօթ է, 2014-2015 տարեշրջանին, Հայ կաթողիկէ Մեսրոպեան բարձրագոյն վարժարանը սկիզբ դրած էր DELF քննութիւններու մասնակցութեան: Սոյն քննութիւններով, աշակերտները կը պատրաստուին  Ֆրանսայի եւ ֆրանսախօս երկիրներու մէջ դիւրացուած կարգով համալսարաններ ընդունելութեան:

Այս տարեշրջանին Մեսրոպեան վարժարանի 2-րդ, չորրորդ, 6-րդ եւ  8-րդ դասարաններու 118 աշակերտներէն 116-ը յաջողեցան DELF ընթացիկ քննութիւններուն, A1 եւ  B1 կարգերուն մէջ: Մեսրոպեանը առաջին անգամ ըլլալով էր, որ կը մասնակցէր B1 կարգին մէջ:

Այս առիթով կայացած հաւաքին, վարժարանի տնօրէն պրն. Կրէկուար Գալուստ շնորհաւորեց աշակերտներուն յաջողութիւնը եւ գնահատեց ուսուցիչներուն ներդրումը:  Պարոն տնօրէնը յայտնեց, որ  Մեսրոպեանի մէջ պիտի ամբողջանայ DELF քննութիւններու մասնակցութեան ծրագիրը, այնպէս, որ աւարտական դասարանի աշակերտները պատրաստուին DELF B2-ին: Այդպիսով  անոնք կրնան մուտք գործել ֆրանսական եւ ֆրանսախօս երկիրներու համալսարաններ՝ առանց ֆրանսերէնի մուտքի քննութեան:




Փակ է Մեկնաբանութիւններու Համար
Անուն
Վերնագիր
Մեկնաբանութիւն