Մեսրոպեանը Գրանցեց Պատուաբեր Արդիւնքներ Լիբանանի Միջ-Դպրոցական Ճատրակի Մրցաշարքին Modifier la page
ven., 12 mai 2017 |  Nombre de visites: 538

Կազմակերպութեամբ Լիբանանեան Միջազգային Համալսարանին (LIU), 30 Ապրիլին Պէքաայի մէջ տեղի ունեցաւ լիբանանեան 64 դպրոցներու միջեւ ճատրակի մրցաշարքի մը, որուն մասնակցեցաւ նաեւ Հայ Կաթողիկէ Մեսրոպեան բարձրագոյն վարժարանը՝ իր չորս խաղացողներով: Մասնակիցներու ընդհանուր թիւն էր 244:

14 տարեկան աղջկանց դասակարգի մէջ մրցաշարքի առաջնութիւնը շահեցաւ լիբանանեան ճատրակի խոստմնալից տարրերէն Նանոր Արնէլեան, որ իր բոլոր 7 խաղերը աւարտեց  յաղթանակով: Աղջկանց  8 տարեկանէն վար դասակարգի մէջ փայլեցաւ Նայիրի Արնէլեան, որ 6 տարեկան ըլլալով խաղաց 7 եւ 8 տարեկան մրցակիցներու դէմ եւ յաջողեցաւ տիրանալ  երրորդութեան:

Տղոց 12 տարեկանէն վար դասակարգի մէջ, 46 խաղացողներու մէջ  Մարք Կիւլկիւլեան՝ 1Օ տարեկան հասակին,  շատ յատկանշական խաղ ցուցաբերեց. ան 6 խաղերէն 5-ը յաղթեց եւ միայն մէկ պարտութիւն կրեց Լիբանանի ախոյեանէն, գրաւելով Գ. դիրքը: Տղոց 16 տարեկան դասակարգիn  մէջ  Կարօ Գալֆայեան 6 խաղերէն 4-ը աւարտեց յաղթանակով, բայց կէտերով հաշւով հանդիսացաւ չորրորդ:

Այս առիթով մեր աշակերտները ստացան LIU համալսարանին եւ Ճատրակի ֆետերասիոնին կողմէ շնորհուած վկայագիրներ, իսկ Մեսրոպեանի Ճատրակի ուսուցիչ  Պր. Էլի Հուլիշեան  պարգեւատրուեցաւ իր ժրաջան գործունէութեան համար:




Fermeture de commentaires
Nom
Titre
Commentaire