Սկսաւ Մեսրոպեան Վարժարանի 78-րդ Կրթական Տարեշրջանը
Չրք, 27 Սպտ 2017
Տեղադրուած է այստեղ Official Announcements

2017-ի Սեպտեմբերի 27-ին Հայ կաթողիկէ Մեսրոպեան բարձրագոյն վարժարանի նախակրթարանի աշակերտները վերադարձան դպրոց՝ սկսելու համար կրթական նոր տարեշրջան մը:  

Այս առիթով եւ ծնողներու ներկայութեամբ կայացած հաւաքը բացուեցաւ վարժարանի հոգեւոր տեսուչ Տէր Ռաֆֆի քահանայ Յովհաննէսեանի խօսքով, ուր ան յատկապէս շեշտեց աղօթքին կարեւորութիւնը աշակերտի մը կեանքին մէջ: Հաւաքական աղօթքէն ետք խօսք առաւ վարժարանի տնօրէն պարոն Կրէկուար Գալուստ: Տնօրէնը անդրադարձաւ հայեցի դաստիարակութեան կարեւորութեան, վերհաստատելով, որ Մեսրոպեանը հաւատարիմ պիտի մնայ հայ մշակութային եւ հոգեւոր արժէքները սերունդներուն փոխանցելու ուղեգիծին, որպէս անբաժան մաս աշակերտներուն մէջ տիպար մարդը եւ տիպար քաղաքացին կազմաւորելու իր առաքելութեան: Պարոն Գալուստ շնորհակալութիւն յայտնեց ծնողներուն իրենց զաւակները հայկական կրթական հաստատութեան մը վստահելուն համար, դիտել տալով, որ սփիւռքեան ոչ բոլոր երկիրները կը վայելեն այս բախտաւորութիւնը:

Հայ կաթողիկէ Մեսրոպեան բարձրագոյն վարժարանը իր 78-րդ վերամուտը կը նշէ արձանագրուած բազմաթիւ յաջողութիւններու եւ զարգացման նոր ծրագիրներու խորապատկերին վրայ: Անցեալ տարի վարժարանի պետական քննութիւններուն արձանագրեց վերջին 15 տարիներու իր լաւագոյն արդիւնքները, երբ պաքալորէայի եւ պրէօվէի յաջողութեան խառն համեմատութիւնը կազմեց   98.41 առ հարիւր:




Փակ է Մեկնաբանութիւններու Համար
Անուն
Վերնագիր
Մեկնաբանութիւն

  +961 1 260504 / 262955 / 254940          

  [email protected]          

  Պուրճ Համուտ, Արաքս փողոց,  Պէյրութ, Լիբանան