ՄԵՍՐՈՊԵԱՆԻ ԱՇԱԿԵՐՏՆԵՐ ՊԱՐԳԵՒԱՏՐՈՒԵՑԱՆ ՊԱՔԱԼՈՐԷԱՅԻ ՔՆՆՈՒԹԻՒՆՆԵՐՈՒՆ ՅԻՇԱՏԱԿՈՒԹԵԱՄԲ ՅԱՋՈՂԵԼՈՒՆ ՀԱՄԱՐ
Երկ, 30 Հկտ 2017
Տեղադրուած է այստեղ Official Announcements

Շաբաթ, 27 Հոկտեմբեր 2017-ին, Պուրճ Համուտի Փիւնիկ սրահին մէջ տեղի ունեցաւ Զաւարեան Ուսանողական Միութեան աւանդական ձեռնարկը, որուն ընթացքին պարգեւատրուեցան անցած տարեշրջանի Բ. Պաքալորէայի քննութիւններուն յիշատակութեամբ յաջողած հայկական դպրոցներու աշակերտները: Պարգեւատրուողներու շարքին էին Հայ կաթողիկէ Մեսրոպեան բարձրագոյն վարժարանի անցուած տարուայ 7 աւարտականներ:

Հանդիսութեան ներկայ էր Մեսրոպեանի տնօրէն պարոն Կրէկուար Գալուստ՝ հայկական վարժարաններու կրթական պատասխանատուներու եւ տնօրէններու շարքին: Օրուան բանախօսը՝ Տոքթ. Լեւոն Աւետանեան ընդգծեց, որ աշակերտներու յաջողութեան մէջ դերակատար են ինչպէս իրենք՝ իրենց աշխատասիրութեամբ, նոյնպէս եւ ծնողները, ուսուցիչները եւ դպրոցական պատասխանատուները՝ իրենց պարտականութիւններու լաւապէս կատարմամբ: Ան յորդորեց աշակերտները հետեւողական ջանասիրութեամբ շարունակել իրենց բարձրագոյն կրթութիւնը, չմոռնալով հաւաքականութեան հանդէպ իրենց պարտաւորութիւնները:




Փակ է Մեկնաբանութիւններու Համար
Անուն
Վերնագիր
Մեկնաբանութիւն

  +961 1 260504 / 262955 / 254940          

  [email protected]          

  Պուրճ Համուտ, Արաքս փողոց,  Պէյրութ, Լիբանան