30 ՄԱՆՈՒԿՆԵՐ ԱՒԱՐՏԵՑԻՆ ԱԼԻՍ ՆԵՐԿԻԶԵԱՆ ՄԱՆԿԱՄՍՈՒՐԸ
Չրք, 23 Մյս 2018
Տեղադրուած է այստեղ Nursery

19 Մայիս 2018-ին կայացաւ Մեսրոպեան բարձրագոյն վարժարանի Ալիս Ներկիզեան մանկամսուրի ամավերջի հանդէսը, որ շուրջ մէկուկէս ժամ ներկաները փոխադրեց մանկական անմիջականութեան, անմեղութեան եւ անբռնազբօս գեղեցկութեան աշխարհը՝ պարերով, երաժշտութեամբ, թատերական պատկերներով եւ վառ գոյներով առլեցուն:

Հանդէսին, Ներկիզեան մանկամսուրին հրաժեշտ տուին աւարտական 30 փոքրիկներ, որոնք յառաջիկայ տարեշրջանին իրենց առաջին քայլերը պիտի կատարեն կրթութեան մէջ, որպէս բողբոջ դասարանի աշակերտներ:

Ամավերջի հանդէսին ողջոյնի խօսքով բացաւ մանկամսուրի պատասխանատու տիկին Թամար Ֆեսլեան Քէշիշեան: Ան ըսաւ. “Ներկիզեան մանկամսուրին մէջ մանուկը կը դառնայ ազատ, անկախ, ինքնաբաւ, ինքնավստահ եւ նախաձեռնող: Այնտեղ հիմքը կը դրուի անոր հոգե-մտաւոր եւ ընկերային կազմաւորման”, աւլեցնելով, որ մանկամսուրին մէջ մանուկները կը դաստիարակուին դառնալու համար հայ տիպար քրիստոնեաներ, զարգացնելով իրենց միտքն  ու գիտելիքները:

Տիկին Մարալ Հարպոյեանի հանդիսավարութեամբ, յայտագիրը ընթացաւ «Քաղցրաւենիքի Աշխարհը» ընդհանուր խորագրին տակ: Մանկամսուրի չորս տարբեր դասարաններու մանուկները ներկայացուցին 7 առանձին պարեր` բծախնդրութեամբ պատրաստուած: Գեղարուեստական մասով  իրենց մասնակցութիւնը բերին Մեսրոպեանի աշակերտներ, կատարելով մարզա-թատերական կտորներ:

Եզրափակիչ խօսքը կատարեց Մեսրոպեանի տնօրէն պարոն Կրէկուար Գալուստ: Ան բարձրօրէն գնահատեց մանկամսուրի պատասխանատուին եւ անձնակազմի անդամներուն աշխատանքը, որ կարելի դարձուց Ներկիզեան մանկամսուրը ստեղծել ու պահպանել որպէս մանուկներու խնամքի ապահով եւ յուսալի վայր: Ան շնորհաւորեց աւարտական փոքրիկները եւ անոնց մաղթեց բարի երթ՝ դէպի մանկապարտէզ:



NS4H6686.JPG
189.5 KB
Տեսնել
NS4H6730.JPG
81 KB
Տեսնել
NS4H6753.JPG
82.9 KB
Տեսնել
NS4H6793.JPG
138.3 KB
Տեսնել
NS4H6912.JPG
123.5 KB
Տեսնել
NS4H6971.JPG
128.3 KB
Տեսնել
NS4H7125.JPG
102 KB
Տեսնել
NS4H7332.JPG
84.3 KB
Տեսնել
NS4H7612.JPG
136.6 KB
Տեսնել
NS4H7615.JPG
131 KB
Տեսնել

Փակ է Մեկնաբանութիւններու Համար
Անուն
Վերնագիր
Մեկնաբանութիւն

  +961 1 260504 / 262955 / 254940          

  [email protected]          

  Պուրճ Համուտ, Արաքս փողոց,  Պէյրութ, Լիբանան          

English Français