ԵՒԱ ԹԱՇՃԵԱՆ ԳՈՐԷՍԵԱՆ ԵԻ ՎԱՐԴԱՆ ԹԱՇՃԵԱՆ ՊԱՐԳԵՒԱՏՐՈՒԵՑԱՆ ՍՓԻՒՌՔԻ ՆԱԽԱՐԱՐՈՒԹԵԱՆ ՄԵՏԱԼՆԵՐՈՎ
Չրք, 06 Հնս 2018
Տեղադրուած է այստեղ Official Announcements

Հայ կաթողիկէ Մեսրոպեան բարձրագոյն վարժարանի ուսուցչուհի տիկին Եւա Թաշճեան եւ վարժարանի տեղեկատուական բաժանմունքի վարիչ պարոն Վարդան Թաշճեան 2 Յունիս 2018-ին պարգեւատրուեցան Հայաստանի Սփիւռքի նախարարութեան կողմէ` յաջորդաբար կրթութեան եւ հայապահպանութեան մէջ իրենց ծառայութիւններուն համար:

Տիկին Գորէսեան ստացաւ նախարարութեան “Երախտագիտութեան” մետալը, իսկ պարոն Թաշճեան` “Մայրենիի դեսպան” մետալը: Մետալները յանձնեց Լիբանանի մօտ Հայաստանի հանրապետութեան արտակարգ եւ լիազօր դեսպան պարոն Սամուէլ Մկրտչեան, դեսպանատան մէջ կայացած արարողութեան ընթացքին:

Այս առիթով դեսպան Մկրտչեան ըսաւ, որ Հայաստանի կառավարութիւնը կը զօրակցի Սփիւռքի մէջ հայկական կրթական հաստատութիւններուն աշխատանքին  եւ մեծապէս կը գնահատէ կրթութեան եւ հայեցի դաստիարակութեան ոլորտին մէջ գործող անհատներուն ծառայութիւնը: Խօսք առաւ Մեսրոպեանի տնօրէն պարոն Կրէկուար Գալուստ, ըսելով, որ հայրենի կառավարութեան մօտեցումը կ’ամրապնդէ հայութեան “մէկ ազգ, մէկ հայրենիք” հաւատամքը եւ յաւելեալ կորով կը հաղորդէ Սփիւռքի մէջ հայապահպանութեան ճիգերուն:

Տիկին Եւա Թաշճեան Գորէսեան 30 տարուայ վաստակ ունի մանկավարժութեան մէջ: Վերջին աւելի քան 20 տարիներուն ան կը վարէ անգլերէնի ուսուցչուհիի պաշտօն` Մեսրոպեան վարժարանին մէջ: Պարոն Վարդան Թաշճեան վերջին մօտ երկու տասնամեակին հիմնադրած եւ ղեկավարած է շարք մը տեղեկատուական եւ կրթական ծրագիրներ` Հայ կաթողիկէ հաստատութիւններու մէջ:

 



1.jpg
240.5 KB
Տեսնել
2.jpg
213.4 KB
Տեսնել
NS4H1980_1024x683.JPG
409.7 KB
Տեսնել

Փակ է Մեկնաբանութիւններու Համար
Անուն
Վերնագիր
Մեկնաբանութիւն

  +961 1 260504 / 262955 / 254940          

  [email protected]          

  Պուրճ Համուտ, Արաքս փողոց,  Պէյրութ, Լիբանան          

English Français