ՏԻԿԻՆ ԱԼԻՍ ՆԵՐԿԻԶԵԱՆ ԿԸ ՀՈԳԱՅ ՄԵՍՐՈՊԵԱՆԻ ՄԱՆԿԱՊԱՐՏԷԶԻ 150 ԱՇԱԿԵՐՏՆԵՐՈՒՆ ԿՐԹԱԹՈՇԱԿՆԵՐԸ
Thu, 24 Sep 2020
Posted in Official Announcements | Kindergarten

Միջազգային ֆինանսական հանրութեան առաջնակարգ դէմքերէն, կրթական շարք մը նախաձեռնութիւններու հեղինակ եւ Մեսրոպեան վարժարանի երկարամեայ բարերար պարոն Վարուժ Ներկիզեանի մայրը` Տիկին Ալիս Ներկիզեան (Գանատա) Մեսրոպեանի տնօրէնութեան հաղորդեց, որ յանձն կ'առնէ հոգալ վարժարանի Մանկապարտէզի բոլոր` 150 աշակերտներու այս տարեշրջանի կրթաթոշակները:                                                       



Ազնուափայլ տիկնոջ սոյն որոշումը հետեւեցաւ Հայ Կաթողիկէ Պատրիարքութեան վարժարաններու 24 Սեպտեմբերի յայտարարութեան, որով Պատրիարքութիւնը կը հաղորդէր, որ 2020-2023` երեք յաջորդական տարեշրջաններուն Մեսրոպեան եւ Հարպոյեան-Սուրբ Խաչ վարժարաններու ծնողները իրենց զաւակներու կրթաթոշակին պիտի մասնակցին ընդամէնը մէկ երրորդով:                                 



Մեսրոպեանի տնօրէնութիւնը կրթական ամբողջ ընտանիքին անունով խորին շնորհակալութիւն կը յայտնէ տիկին Ալիս Ներկիզեանին, վարժարանի Մանկապարտէզին եւ աշակերտներու ծնողներուն ցուցաբերած օգնութեան համար, որուն կարեւորութիւնը, նիւթական թէ բարոյական առումներով, անգնահատելիլ է ներկայ դժուարին պայմաններուն մէջ: Մեր աղօթքներով կը հայցենք, որ Զմմառու Տիրամօր օրհնութիւնն ու պահպանութիւնը միշտ հովանի մնան իրեն, պարգեւելով քաջառողջութիւն եւ երջանկութիւն:   



Յիշեցնենք, որ Ալիս Ներկիզեանի անունը կը կրէ Մեսրոպեանի մանկամսուրը, որ քանի մը տարի առաջ հիմնովին բարեկարգուեցաւ Վարուժ Ներկիզեանի օժանդակութեամբ:



Name
Title
Comment

  +961 1 260504 / 262955 / 254940          

  [email protected]          

  Bourj Hammoud, Arax street,  Beirut, Lebanon          

Français Armenian